كيف تستغل وقت فراغك

+
----
-
بسم الله الرحمن الرحيم
و الصلاة و السلام على اشرف المرسلين
سيدنا محمد خاتم الانبياء و المرسلين

اما بعد اليوم اتحدث عن موضوع غاية في الاهمية
و هو استغلال وقت الفراغ
الكثير منا يعاني من وجود وقت لا يستطيع ان يقضيه
و انه لديه فراغ و مش عارف يعمل ايه
في الموضوع هنا هنوضح كيفية الاستفادة بوقت الفراغ
فكونوا معنا على مدار خمس دقائق في رحلة ممتعة جدا
يا رب تعجبكم
اربطوا احزمة الامان

تعريف وقت الفراغ
هو الوقت الغير مستغل من حياة الانسان
و لا يندرج تحت اي من الافعال الطبيعية للانسان .. مثل النوم و العمل

قبل ان نتكلم عن استغلال وقت الفراغ
يجب ان نتحدث اولا عن انواع الوقت المستغل

في وجهة نظري الشخصية ينقسم استغلال الوقت في عمل من خمس
1-عبادة الله
2-النوم
3-العمل
4-العلم
5-الترفيه

اذن علشان استغل وقت فراغي لازم اعمل 1 من الخمسة دول
يبقى دلوقتي هنتكلم على ازاي اوظف وقتي في ايطار هؤلاء الخمس

اولا عبادة الله
من المؤسف ان نقول ان عبادة الله جزء من وقتك
لانه من المفترض ان تكون وقتك بالكامل..
هل تعلم بانك يمكنك ان تعبد الله على مدار وقتك بالكامل
حتى وقت ترفيهك و لعبك

كيف يمكن ذلك
بكل بساطة
وقت نومك عبادة .. اذا نويت انقبل ان تنام ان نومك تتقوى به على طاعة الله
وقت لعبك عبادة .. اذا كنت لا تعصي الله فيه و تحاول الاستفادة منه في طاعة الله
يمكنك ايضا ذكر الله اثناء ترفيهك .. بمعنى اذا كنت تلعب فلسانك غير مشغول باللعب و لكنه مشغول بذكر الله
و هكذا

اذن يمكننا ان نخرج طاعة الله من دائرة استغلال الوقت لان الوقت كله طاعة لله

ثانيا النوم
النوم يشغل ثلث حياتك
و من المفترض الا يزيد عن ذلك
و الا يقل عن ذلك
معدل النوم الطبيعي للادمي هو من 6 الى 8 ساعات .. ان زاد عن ذلك فهو كثير مضر و ان قل عن ذلك فهو قليل مضر

ثالثا العمل
اي عمل تقصد .. هل هو الوظيفة التي اعمل بها
بالتاكيد لا و الف لا.. العمل يشمل كل ما هو مهم و له مقابل ملموس
بمعنى تنظيف المنزل هو عمل .. مساعدة محتاج هو عمل
قضاء حاجة اخيك هو عمل .. الاعمال الخيرية هي عمل
هل تخجل من مساعدة والدتك في منزلها لتنظيفه
هل تخجل من العمل في جمعية خيرية مثل رسالة

رابعا العلم
العلم ده قضيته كبيرة و بحره واسع
فما من عالم وصل الى قمة العلم .. و كلما اخذت منه زدت تعطشا اليه
فحاول ان تستزيد منه

خامسا الترفيه
و ده مش هتكلم عليه دلوقتي

استنى رايح فين
انا لسه مخلصتش

احنا كده داخلين على اهم جزء في الموضوع
ركز جامد قوي قوي قوي

بص يا سيدي
دلوقتي انا بعاني من وقت فراغ
و عايز استغله
قدامي حل من 3 حلول
الحل الاولاني هو الشغل .. اني ادور على شغل جديد استغل فيه وقت فراغي
ساهم في جمعية رسالة للاعمال الخيرية
صناع الحياة .. الاعمال اليدوية
افتح مشروع صغير .. ان شاء الله حتى كشك جرايد

الحل الثاني هو العلم
ياااااااااااه .. وقفة كبيرة قوي في الحتة دي
مادمت لديك وقت فراغ فاستغله في العلم
ياليتني املك وقت فراغ لاتعلم
هتعلم ايه .. ده سؤال يا راجل .. ده سؤال يا اختي ينفع يعني
الاجابة بكل وضوح هتعلم الحاجة الي بحبها
يعني انا بحب الكمبيوتر بكل ما يشمله
يبقى هتعلم برمجة - تصميم - استضافة مواقع - تصميم مواقع - كتابة
العمل على البرامج المختلفة - العمل بالمنتديات - ..... المجالات كتير جدا
انا بحب الميكانيكا .. اتعلم عن الميكانيكا و السيارات
و المواتير .. و الحركة .. و نقل الحركة
انا بحب الدين .. اتعلم عن السنة .. و الفقه .. اعرف ربي و اعرف رسولي
انا بحب السياسة اتعلم عن السياسة
يبقى اي حاجة انا عايز اتعلمها هتعلمها

طيب اتعلم منين
هنا بقى انا اقدر اساعدك
النت مليان بالمعلومات القيمة و المفيدة
شوف انت عايز تتعلم ايه و انا هساعدك فيه
انا فاتح في المنتدى قسم للتعليم الالكتروني علشان اساعد فيه اي شخص عايز يتعلم

دي اول حاجة الحاجة التانية
هي عم جوجل .. شوف عايز تتعلم ايه و اسال عم جوجل و هو هيوديك باسرع مما تتخيل

اخر حاجة الترفيه
و هنا برضه وقفة موش عادية
الترفيه دي من اهم النقاط الي لازم اتحدث عنها
لان معظم الناس بيستغلوها غلط و بيهدروا فيها وقت كبير جدا
طيب انا علشان اترفه بصورة صحيحة اعمل ايه
هل تعلم .. انك تستطيع الترفيه عن نفسك دون ان تعصي الله

في السنة الاعدادية من كلية الهندسة
خرجت في رحلة جماعية مع اسرة لدينا بالكلية
من الاخوان المسلمين
استفدت منها الكثير و تعلمت منها كثيرا
تعلمت كيف ارفه عن نفسي دون ان اعصي الله
و اليكم مما تعلمت
هناك ترفيه رياضي بلعب الكورة مثلا
هل هو حرام ام حلال
هو حلال لو تم بالصورة الصحيحة
بمعنى ان ملابسي تكون شرعية .. تحت الركبة
لا اسب احد اثناء اللعب .. اتحلى بالاخلاق الرياضية الاسلامية
اهتم بصحة الاعبين اكثر من اهتمامي بالفوز في الماتش

اللعب على الكمبيوتر هل هو حلال ام حرام
اختيار نوع اللعبة .. كيفية استغلالها
و في موضوع مفصل في معرض الالعاب عن كيفية استغلال وقت اللعب

مشاهدة الافلام و المسرحيات
اختيا ر الفيلم بصورة جيدة .. قصته تكون هادفة اقدر استفيد منها